Nicolaus, Rigensis episcopus

Thoreidia, 27.VI.1251

Fundacja XX. Czartoryskich

Biblioteka Książąt Czartoryskich

22 Perg.

290 x 146 mm

    Originalas – Kunigaikščių Čartoriskių bibliotekoje (Biblioteka Książąt Czartoryskich) Krokuvoje (perg. 22); pergamento lapas, Rygos vyskupo Mikalojaus antspaudas neišlikęs.

    Skelbta: SLVA, 2, nr. 339; Registras – Katalog Czartoryskich, nr. 34, p. 15; V. Stikāne, Turaida 13.–16.gs. dokumentos, Nr. 10, p. 35-36.

    Nicolaus, Divina miseratione Rigen[sis] episcopus, omnibus hanc paginam visuris gratiam in presenti et gloriam in futuro. Cum propter incommoditates innumeras singulas episcopatus nostri provincias per annos singulos personaliter visitare et ipsis in spiritualibus iuxta debitum officii nostri providere non possimus, necessarium duximus et utile vices nostras per aliquas provincias iurisdictionis et dyocesis nostre, quas personaliter visitare non possumus, viris committere discretis, qui novos in fide populos non solum a gentilitate revocare, verum etiam in cordibus ipsorum verbum fidei et consuetudines ritus christiani dictis et factis Domino cooperante valeant seminare. Scire itaque volumus tam presentes quam posteros, quod nos per totam provinciam Semigallie non solum in parte nostra, verum etiam in parte fratrum de domo Teuthonica et in partibus, que in ea ad diocesim nostram spectant sive spectare poterunt bannum, sinodalia et omnem iusticiam archidiaconatus, quam archidiaconus iuste habere debet et potest, preposito et capitulo Rygen[si] exercendam perpetuo committimus ac prosequen- dam. Et ne in posterum a succesoribus nostris dicto preposito et capitulo Rygen[si] de commissione tali questio indebite oriatur, presentem paginam sigilli nostri appensione roboratam ipsis dedimus in munimen. Datum in Thoreidia anno gracie mcclj, vj kalendas Augusti.

    Šaltinis: V. Stikāne, Turaida 13.–16.gs. dokumentos, Nr. 10, p. 35-36.