Frater Walterus, magister
27.VIII.1271
Archiwum Główne Akt Dawnych, Zbiór Dokumentów Pergaminowych
nr 4504
Originalas pirmųjų publikacijų metu buvo saugomas Sankt Peterburgo imperatoriškojoje bibliotekoje, šiuo metu – Vyriausiojo senųjų aktų archyvo Varšuvoje (Archiwum Główne Akt Dawnych w Warszawie) Pergamentinių dokumentų rinkinyje (nr. 4504); ten pat saugomas 1399 m. balandžio 18 d. transumptas (nr 8723). Originalas - pergamento lapas su 11 antspaudų, iš kurių 1 nukritęs: 1) trūksta (1845 m. čia minimas Livonijos krašto magistro antspaudas); 2) Rygos komtūro; 3) Volkenbergo komtūro; 4) Jelgavos komtūro; 5) Jarvos vaito; 6) Lealio komtūro; 7) Cėsių komtūro; 8) Kuldygos komtūro; 9) Siguldos komtūro; 10) Klaipėdos komtūro; 11) Henriko iš Aizkrauklės.
Skelbta: Mitteilungen aus dem Gebiete der Geschichte Liv-, Est- und Kurlands, III, 488-492; Livl. U. B. N. CDXXV; Friedrich Georg von Bunge, Liv-, Esth- und Curländisches Urkundenbuch nebst Regesten. Erster Band. 1093-1300., Reval, 1853: 116; 536-538.
Frater W., magister, ceterique fratres domus Teutonicae s. Mariae per Livoniam, universis, praesentes litteras inspecturis, salutem in Domino sempiternam. Praesentibus recognoscimus et fatemur, quod nos, magister et fratres, cum venerabili patre ac Domino nostro, A. Rigensi archiepiscopo, de communi consilio et consensu convenimus in hunc modum. Si nos magister et fratres castrum Tarvethene vel aliud in parte nostra aedificaverimus infra annum a festo b. Michaelis proximo numerandum, ut per hoc Semigallia reducatur ad cultum catholicae fidei et subiiciatur domino Rigensis ecclesiae, sicut prius, memoratus dominus archiepiscopus pro omnibus laboribus et expensis, factis aut perpetuo faciendis ad castrum, unum de castris suis, quodcumque voluerit, Syrene scilicet aut Sagare, nobis cum suis attinentiis assignavit, ita scilicet, ut quando per gratiam Dei fuerit divisio facienda, si alterum praedictorum castrorum plus habundat in terminis, adiiciatur alteri, ut sic fiat aequalitas hinc et inde, electione inter castra praedicta per omnia sibi salva. Porro centum quinquaginta unci, quos olim nobis praefatus dominus archiepiscopus ad aedificationem castri contulerat, in divisionem communen sicut et ceteri deducentur. Si qui etiam ibidem infeodati fuerint ab eodem, tenebimur pro media parte feodi providere. Sane pro istis bonis ad defensionem residuae partis suae, sicut propriae terrae nostrae, perpetuo fideliter intendemus. Quicunque etiam ex invicem in antea de sua totali tertiana quocunque modo provenire potuerit, secum perpetuo fideliter et aequaliter dividemus. Ceterum si tempore praefinito quocunque casu interviente praedictum castrum non aedificaverimus, aut forte, quod absit, crebrescentibus malis aedificatum et possessum iterato perdiderimus, nisi cum primum potuerimus concedente Domino reaedificaverimus, aut si sponte a castro recessimus, vel si quicquam amplius supra id, quod idem nobis uncos pro castri aedificatione donavit, pro reaedificatione petierimus ab eodem, praedictum castrum cum attientiis suis, quod nobis pro sua defensione contulit, quantocunque etiam tempore sit possessum a nobis, mox in ius et proprietatem suam sine contradictione aliqua revertetur, non obstantibus litteris aliquibus, aut aliqua praescriptione canonica vel civili, cum cessante causa cessare debeat et effectus, hoc est, cessante defensione et praescripta quoque donatio cessare debeat quaevis. Sed neque etiam in hoc casu nobis ad refusionem aliquam tenebitur expensarum. Ut autem haec omnia et singula firmiter observentur, praesentem paginam sigilli nostri et commendatorum nostrorum munimine duximus roborandam. Actum anno Domini MCCLXXI, VI. cal. Septembris.
Šaltinis: Mitteilungen aus dem Gebiete der Geschichte Liv-, Est- und Kurlands, III, 488-492
