Henricus, episcopus Semigallensis
Zovingen, 1249
Staatsarchiv Aargau
StAAG U.40/0003
207 x 106 mm + 33 x 48 mm (antspaudas)
Originalas saugomas Argau kantono centriniame archyve (Staatsarchiv Aargau) Šveicarijoje (StAAG U.40/0003); pergamento lapas su Žiemgalos vyskupo Henriko antspaudu.
Skelbta: Walther Merz, Das Stadtrecht von Zofingen, S. 7 n. 3. Aarau, 1914; Latvijas vēstures avoti, II s., Senās Latvijas vēstures avoti, 2 b., 1940: 290-291; Georg Boner, Die Urkunden des Stiftsarchivs Zofingen, Aarau, 1945: 3.
Frater H[enricus], ordinis fratrum minorum, Dei gratia Semigallen[sis] episcopus, universis presentem cedulam intuentibus presens scriptum in perpetuum cum salute. Quoniam non obfuscat oblivio, quod scriptis aut sigillorum appensionibus roboratur. Noverint igitur tam presentes quam posteri, quod nos habita licentia dyocesani altare beate virginis Marie a dextro latere principalis altaris et beate Marie Magdalene a sinistro octavo die Pasce in dicta ecclesia Zovingen[si] consecravimus statuentes dedicationes eorundem altarium in huiusmodi octava inmobiliter celebrari. Omnibus vere penitentibus, qui hiis interfuerunt vel infra diem octavam venerunt, consecrationibus annum et xl dies et hiis, qui in posterum has dedicationes puro corde singulis annis devote quesierint, xl dies iniuncte penitentie relaxamus. Universitatem vestram etiam monemus et hortamur in Domino, ad quod in remissionem peccatorum vobis iniungimus, quatinus de bonis, a Deo vobis collatis, aliquas elemosinas in dotem dictis altaribus erogetis, ut per vestram subventionem in eisdem Divinum officium sollempnius celebretur. Omnibus igitur ad has dedicationes venientibus pacem Christi predicamus. Quicunque vero venientes aut redeuntes ad propria presumpserint infestare, se sciant indignationem Dei genitricis et nichilominus excommunicationis sentenciam incursuros. Ut autem super hiis nulla dubitatio vel calumpnia oriatur in posterum, presentem cedulam in testimonium huius facti sigilli nostri munimine communimus. Acta sunt hec apud Zovingen anno incarnationis Domini m0cc0xl0viiij0 indictione vij.
Šaltinis: Latvijas vēstures avoti, II s., Senās Latvijas vēstures avoti, 2 b., 1940: 290-291
