Hermannus, Dei gratia prepositus
13.I.1260
Archiwum Główne Akt Dawnych, Zbiór Dokumentów Pergaminowych
nr 4502
287 x 180 + 17 mm
Originalas pirmųjų publikacijų metu buvo saugomas Sankt Peterburgo imperatoriškojoje bibliotekoje, šiuo metu – Vyriausiojo senųjų aktų archyvo Varšuvoje (Archiwum Główne Akt Dawnych w Warszawie) Pergamentinių dokumentų rinkinyje (nr. 4502); originalas su 3 antspaudais, pririštų raudonomis virvutėmis: 1) Rygos arkivyskupystės katedros kapitulos; 2) Rygos prepozito Hermano; 3) Livonijos magistro.
Skelbta: Mitteilungen aus dem Gebiete der Geschichte Liv-, Est- und Kurlands, III, Riga, 1845: 486-488; Friedrich Georg von Bunge, Liv-, Esth- und Curländisches Urkundenbuch nebst Regesten. Erster Band. 1093-1300., Reval, 1853: 95; 340, No. CCCXLIV.
Hermannus, Dei gratia prepositus totumque s. Rigensis ecclesiae capitulum, universis Christi fidelibus, praesens scriptum inspecturis, sempiternam in Iesu Christo, salutis auctore, salutem. Noveritis universi ac singuli, quod nos, de conscientia et consensu domini nostri archiepiscopi, cum magistro et fratribus hosp. s. Mariae domus Theuton. in Livonia pro bono pacis convenimus in hac forma. Ita videlicet, ut praedicti fratres pro defensione fidei praesertim in terra Semigalliae se melius valeant exercere et castrum aedificare utilius, de parte nostra C et L uncos sic distinctos ipsis contulimus: Velsene cum XXXII uncis, Segeme cum XLIII, Angegoge cum XIII, Vancule cum XXIII, Padouge cum XXXV uncis, cum silvis, pratis et omnibus eorum terminis seu attinentiis, nec non et cum decimis et omni iure, in perpetuum libere possidendos, salvis tamen spiritualibus, quae non possunt nisi per solum episcopum exerceri. In praedictis autem locis seu villis, si aliqui unci numerum C et L uncorum excesserint praedictorum, fratres ipsos nobis restituent, si vero aliquorum uncorum defectus ibi fuerit, nos defectum illum in loco competenti et contiguo ipsis fratribus tenebimur adimplere. Insuper si in villis seu locis praedictis aliqui infeodati sunt vel fuerunt, quos de iure seu de gratia sua feoda contingat in posterum obtinere, nos, sicut decet, in restaurum debemus in aliis bonis et in loco competenti et contiguo magistro praedicto et fratribus respondere. De praedictis autem bonis fratres praedicti terram nostram ac homines nostros defendere, protegere ac tueri pro posse et nosse fideliter promiserunt. Hoc tamen adiecimus, quod in homines nostros, qui residui fuerunt, nullam iurisdictionem seu potestatem exerceant aut molestiam inferant, prout hactenus non habebant. Protestamur etiam, dominum nostrum archiepiscopum fratribus praedictis de nostro consensu et iam de parte sua C et L uncos simili iure quo et nos libere contulisse. Ut autem haec a partibus utrobique inconcussa permaneant, sigilla nostra cum sigillo magistri saepedicti praesentibus sunt appensa. Datum anno Domini MCCLX, idus Ianuarii.
Šaltinis: Friedrich Georg von Bunge, Liv-, Esth- und Curländisches Urkundenbuch nebst Regesten. Erster Band. 1093-1300., Reval, 1853: 95; 440, No. CCCXLIV.
