Innocentius IV
Lateran, 28.I.1254
Archiwum Główne Akt Dawnych
Zbiór Dokumentów Pergaminowych
nr 4378
305 x 260 + 30 mm
Originalas saugomas Vyriausiojo senųjų aktų archyvo Varšuvoje (Archiwum Główne Akt Dawnych w Warszawie, Zbiór Dokumentów Pergaminowych), Pergamentinių dokumentų rinkinyje (nr 4378). Pergamento lapas (305 x 260 + 30 mm) su popiežiaus Inocento IV švinine bule.
Skelbta: Latvijas vēstures avoti, II s., Senās Latvijas vēstures avoti, 2 B., 1940: 355-356.
Innocentius episcopus, servus servorum Dei, venerabili fratri .. episcopo Tharbaten[si] salutem et apostolicam benedictionem. Exhibita nobis dilectorum filiorum .. prepositi et capituli Rigen[sis] ecclesie ordinis sancti Augustini petitio continebat, quod bone memorie Nicolaus Rigen[sis] episcopus diocesanus, eorum, reddituum ecclesie sue tenuritate pensata, pro eorum et successorum suorum substentatione et anime ipsius salute medietatem sue partis in Semigallia cum plenitudine spiritualis et temporalis iuris, prout potuit, eis pia et provida liberalitate concessit perpetuo possidendam. Ac demum venerablis frater nostre [Albertus] Rigensis archiepiscopus, successor ipsius, concessionem huiusmodi ratam habens et gratam, eam confirmationis sue robore communivit, sicut in ipsorum archiepiscopi et episcopi litteris confectis exinde plenius dicitur contineri. Nos itaque eorum supplicationibus inclinati, quod ab eisdem archiepiscopo et episcopo super hoc pie ac provide factum est, ratum habentes et gratum, illud auctoritate apostolica duximus confirmandum. Quocirca fraternitati tue per apostolica scripta mandamus, quatinus non permittas ipsos prepositum et capitulum super hiis contra huiusmodi confirmationis nostre tenorem ab aliquibus indebite molestari, molestatores huiusmodi per censuram ecclesiasticam appellatione postposita compescendo; non obstante, si aliquibus a sede apostolica sit indultum, quod excommunicari, suspendi vel interdici non possint per literas apostolicas non facientes plenam et expressam ac de verbo ad verbum de indulto huiusmodi mentionem. Datum Laterani v kalendas Februarii pontificatus nostri anno undecimo.
Šaltinis: Latvijas vēstures avoti, II s., Senās Latvijas vēstures avoti, 2 B., 1940: 355-356.
